గ్లామర్ కోసం లక్షలు ఖర్చు ? సమీరా రెడ్డి ఆవేదన !

సమీరా రెడ్డి సినీ ఇండస్ట్రీలో హీరోయిన్లు ఎదుర్కొనే మానసిక ఒత్తిడి గురించి ఓ ఇంటర్వ్యూలో సంచలన వ్యాఖ్యలు చేశారు. నటన ఒక్కటే సరిపోదని, లుక్‌ ఆధారంగానే అవకాశాలు వస్తాయని ఆమె తెలిపారు. ఎయిర్‌పోర్ట్‌లలో కూడా హీరోయిన్లను వారి బట్టలు, బ్యాగులు చూసి అంచనా వేయడం జరుగుతుందని, ఈ పరిస్థితి వల్ల ఎప్పుడూ ఒత్తిడిలో ఉండాల్సి వచ్చేదని చెప్పారు.

ఆ ఒత్తిడి కారణంగా తాను కూడా లక్షలు ఖర్చు చేసి లగ్జరీ వస్తువులు కొనుగోలు చేసినట్లు సమీరా వెల్లడించారు. ఇప్పుడు ఆ ఖర్చులపై పశ్చాత్తాపం వ్యక్తం చేస్తూ, ఆ డబ్బుతో బంగారం కొనుక్కుంటే బాగుండేదని అన్నారు. ప్రస్తుతం ఆమె ఆడంబరాలకు దూరంగా ఉండి, ఆర్గానిక్ దుస్తులను ఉపయోగిస్తూ సాదాసీదా జీవితం గడుపుతున్నారు. గ్లామర్ కంటే మానసిక ప్రశాంతత ముఖ్యమని ఆమె తెలిపారు.