డీజిల్ ఎగుమతిపై భారీ సుంకం పెంపు.. కేంద్రం కీలక నిర్ణయం

కేంద్ర ప్రభుత్వం డీజిల్ ఎగుమతిపై సుంకాన్ని గణనీయంగా పెంచుతూ కీలక నిర్ణయం తీసుకుంది. ఇప్పటివరకు లీటర్‌కు రూ.21.5గా ఉన్న డీజిల్ ఎగుమతి సుంకాన్ని రూ.55.5కు పెంచుతూ ఉత్తర్వులు జారీ చేసింది. ఇదే సమయంలో విమాన ఇంధనం (ATF)పై కూడా సుంకాన్ని పెంచింది. ATFపై ఎగుమతి సుంకాన్ని రూ.29.5 నుంచి రూ.42కు పెంచినట్లు కేంద్రం వెల్లడించింది. ఈ నిర్ణయాలు ఇంధన ఎగుమతులపై ప్రభావం చూపే అవకాశముందని నిపుణులు అభిప్రాయపడుతున్నారు.

అయితే, పెట్రోల్ ఎగుమతి సుంకంలో ఎలాంటి మార్పులు చేయలేదని కేంద్ర ప్రభుత్వం స్పష్టం చేసింది. ప్రస్తుతానికి పెట్రోల్‌పై ఉన్న సుంకం యథాతథంగా కొనసాగనుంది. ఇంధన రంగంలో తీసుకున్న ఈ తాజా నిర్ణయాలు మార్కెట్ పరిస్థితులపై ఆధారపడి ఉన్నాయని, భవిష్యత్తులో మరిన్ని మార్పులు ఉండే అవకాశముందని భావిస్తున్నారు.