యువతా… ఏ భావజాలాన్ని గుడ్డిగా నమ్మవద్దు - డిప్యూటీ సీఎం పవన్ కళ్యాణ్

పవన్ కళ్యాణ్ యువత ఏ భావజాలాన్ని గుడ్డిగా నమ్మవద్దని సూచించారు. ఆంధ్ర విశ్వవిద్యాలయం శతాబ్ది ఉత్సవాల్లో మాట్లాడుతూ, ఏ ఆలోచనైనా ఈ కాలానికి సరిపోతుందా లేదా అన్నది ఆలోచించి నిర్ణయం తీసుకోవాలని అన్నారు. భావోద్వేగాలతో కాకుండా వాస్తవికంగా ఆలోచించాలని యువతకు పిలుపునిచ్చారు.

విద్య సమాజాన్ని మార్చగల శక్తివంతమైన ఆయుధమని పేర్కొంటూ, తమ ప్రతిభను దేశాభివృద్ధికి వినియోగించాలని సూచించారు. నరేంద్ర మోదీ, నారా చంద్రబాబు నాయుడు నాయకత్వంలో దేశం, రాష్ట్రం అభివృద్ధి దిశగా ముందుకు వెళ్తున్నాయని తెలిపారు. భవిష్యత్ తరాల కోసం చివరి వరకు పని చేస్తానని స్పష్టం చేశారు.