డిలీమీటేషన్ తో సౌత్ రాష్ట్రాలకు తీవ్ర నష్టం - సీఎం స్టాలిన్

ఎం.కే. స్టాలిన్ డీలిమిటేషన్‌ (నియోజకవర్గాల పునర్విభజన)పై తీవ్ర ఆందోళన వ్యక్తం చేశారు. ఈ ప్రక్రియ వల్ల దక్షిణాది రాష్ట్రాల ప్రజల హక్కులకు తీవ్ర నష్టం జరుగుతుందని ఆయన పేర్కొన్నారు. ద్రవిడ మున్నేట్ర కళగం అధ్యక్షుడైన స్టాలిన్, కేంద్రంలోని భారతీయ జనతా పార్టీ ప్రభుత్వం ఉత్తరాది రాష్ట్రాలకు లాభం చేకూర్చేలా కుట్ర చేస్తోందని ఆరోపించారు. ఈ నిర్ణయాన్ని తమ పార్టీ తీవ్రంగా వ్యతిరేకిస్తుందని, అవసరమైతే కఠిన నిర్ణయాలకు కూడా సిద్ధమని హెచ్చరించారు.

ఎక్స్ వేదికగా స్పందించిన స్టాలిన్, ఐదు రాష్ట్రాల అసెంబ్లీ ఎన్నికలు జరుగుతున్న సమయంలో పార్లమెంట్‌ను అత్యవసరంగా సమావేశపరచడంపై ప్రశ్నలు లేవనెత్తారు. ఈ నెల 29 తర్వాత ప్రత్యేక సమావేశం నిర్వహించాలని ప్రతిపక్ష నేతలు చేసిన సూచనను ఎందుకు తిరస్కరించారో వివరణ ఇవ్వాలని డిమాండ్ చేశారు. ఈ అంశం దేశ రాజకీయాల్లో చర్చనీయాంశంగా మారింది.