క్యాస్టింగ్ కౌచ్ పై తెలుగు నటి కామెంట్స్

సత్యకృష్ణ తెలుగు సినిమా ఇండస్ట్రీలో క్యారెక్టర్ ఆర్టిస్ట్‌గా మంచి పేరు సంపాదించారు. ‘బొమ్మరిల్లు’, ‘వినాయకుడు’, ‘దేవదాస్’, ‘మోస్ట్ ఎలిజిబుల్ బ్యాచిలర్’ వంటి సినిమాల్లో గుర్తుండిపోయే పాత్రలు చేశారు. హోటల్ మేనేజ్‌మెంట్ చదివి, తాజ్ గ్రూప్‌లో ఉద్యోగం చేస్తూ అనుకోకుండా సినిమాల్లోకి వచ్చారు. తాజాగా ఇచ్చిన ఒక ఇంటర్వ్యూలో ఇండస్ట్రీలోని కొన్ని విషయాల గురించి ఆమె ఆసక్తికరంగా మాట్లాడారు. ముఖ్యంగా కాస్టింగ్ కౌచ్ గురించి తన అభిప్రాయాన్ని వెల్లడించారు.

ఆమె మాట్లాడుతూ, కాస్టింగ్ కౌచ్ సమస్య సినిమా రంగంలో మాత్రమే కాదు, ప్రతి రంగంలోనూ ఉంటుందని చెప్పారు. సినిమా ఓపెన్ ప్లాట్‌ఫామ్ కావడంతో ఇక్కడి విషయాలు త్వరగా బయటకు వస్తాయని తెలిపారు. ఎవరు హద్దులు దాటినా వెంటనే ‘నో’ చెప్పే ధైర్యం ఉండాలని, టాలెంట్ ఉంటే అవకాశాలు తప్పకుండా వస్తాయని చెప్పారు. తనకు ఇలాంటి అనుభవాలు లేకపోయినా, ఇతరులు ఎదుర్కొనే సమస్యలను చూసినట్లు తెలిపారు. ప్రస్తుతం ఆమె వ్యాఖ్యలు సోషల్ మీడియాలో వైరల్ అవుతూ, ముఖ్యంగా కొత్తగా ఇండస్ట్రీలోకి వచ్చే అమ్మాయిలకు స్ఫూర్తిగా మారుతున్నాయి.