పోచమ్మ వెబ్ సిరీస్ ఎప్పుడు స్ట్రీమింగ్ కానుంది ?

ఆహా ఓటీటీ మరో కొత్త మిస్టికల్ థ్రిల్లర్ వెబ్ సిరీస్ ‘పోచమ్మ’ ను ప్రేక్షకుల ముందుకు తీసుకొస్తోంది. ఈ సిరీస్ గ్లింప్స్‌ను ప్రముఖ దర్శకుడు బుచ్చిబాబు సాన విడుదల చేశారు. ఈ నెల 17 నుంచి ఈ సిరీస్ ఆహాలో స్ట్రీమింగ్ కానుంది.

ఈ సిరీస్‌లో అంబటి అర్జున్, శ్రీ పూజా రెడ్డి, స్నేహ కీలక పాత్రల్లో నటిస్తున్నారు. రమేష్ ఇంద్ర దర్శకత్వంలో, శ్రుతి నాయుడు నిర్మాణంలో ఈ వెబ్ సిరీస్ రూపొందింది. గ్లింప్స్‌లో పోచమ్మ దేవత మహిమ, ఆమె భక్తులను రక్షించే విధానం, తప్పు చేసిన వారిని శిక్షించే అంశాలు ఆకట్టుకునేలా చూపించారు. ఎల్వీ ముత్తుగణేష్ అందించిన బీజీఎం హైలైట్‌గా నిలిచింది.