పెద్ది కొత్త పోస్టర్ సూపర్.. కానీ అసలైంది మిస్?

మెగా పవర్ స్టార్ రామ్ చరణ్ నటించిన పెద్ది సినిమాపై అభిమానుల్లో కొండంత అంచనాలు ఉన్నాయి. తాజాగా వచ్చిన కొత్త పోస్టర్ సోషల్ మీడియాలో సెన్సేషన్ సృష్టిస్తోంది. హనుమాన్ జయంతి సందర్భంగా విడుదలైన ఈ పోస్టర్‌లో రామ్ చరణ్ లుక్ ఎంతో పవర్‌ఫుల్‌గా ఉంది. చరణ్ కండలు తిరిగిన శరీరంతో బలంగా కనిపిస్తున్నాడు. ఈ పోస్టర్ హనుమంతుడి రూపాన్ని తలపించేలా ఉంది. ఫ్యాన్స్‌ను ఎంతగానో ఆకట్టుకుంటుంది. అయితే ఇందులో ఒకటి మాత్రం మిస్ అయ్యింది. అది ఫ్యాన్స్ ని కంగారు పెడుతుంది.

ఈ చిత్రం ఈ నెల 30న ప్రపంచవ్యాప్తంగా విడుదల కానుందని రామ్ చరణ్ ఇటీవల స్పష్టం చేశారు. అయితే కొత్త పోస్టర్‌లో రిలీజ్ డేట్ లేకపోవడంతో ఫ్యాన్స్ మధ్య తీవ్ర చర్చలు జరుగుతున్నాయి. ఈ సినిమా వాయిదా పడుతుందేమో అని టెన్షన్ పడుతున్నారు. దీనిపై మూవీ టీం నుంచి మరోసారి అధికారిక స్పందన కోరుతున్నారు. ఈ సినిమా స్పోర్ట్స్ నేపథ్యంలో గ్రామీణ వాతావరణంలో సాగనుంది.

ఉప్పెన ఫేమ్ బుచ్చిబాబు దర్శకత్వం వహిస్తున్న ఈ చిత్రంలో కన్నడ సూపర్ స్టార్ శివరాజ్‌కుమార్, దివ్యేందు శర్మ, జగపతి బాబు కీలక పాత్రలు పోషిస్తున్నారు. ఆస్కార్ విజేత ఏ.ఆర్. రెహమాన్ మ్యూజిక్ అందిస్తున్నారు. వృద్ధి సినిమాస్ బ్యానర్‌పై రూపొందుతున్న ఈ సినిమా, మెగా ఫ్యాన్స్‌లో భారీ ఉత్సాహం కలిగిస్తోంది. రిలీజ్ డేట్ విషయంలో మేకర్స్ త్వరలో అధికారిక స్పష్టత ఇవ్వాలని అభిమానులు కోరుతున్నారు.