రవీంద్ర భారతి లో ప్రముఖ సింగర్ ఎస్పీ బాల సుబ్రహ్మణ్యం విగ్రహం, ఏర్పాటు చేస్తున్న రాష్ట్ర ప్రభుత్వం

తెలంగాణ రాష్ట్ర ప్రభుత్వం ప్రముఖ స్వరకల్పం, పద్మవిభూషణ్ ఎస్పీ బాలసుబ్రహ్మణ్యం గారి విగ్రహాన్ని హైదరాబాద్‌లోని రవీంద్రభారతి ఆవరణలో ఏర్పాటు చేయడానికి అనుమతి ఇవ్వడం ఆలస్యమైంది. ఐదు దశాబ్దాలకు పైగా తెలుగు, తమిళం, కన్నడం, మలయాళం, హిందీ భాషల్లో 40 వేలకు పైగా పాటలు పాడి, ఆరు జాతీయ అవార్డులు అందుకున్న బాలు గారి సేవలు దేశమంతా గుర్తించినవే. డిసెంబర్ 15న జరగబోయే విగ్రహావిష్కరణ కార్యక్రమానికి ముఖ్యమంత్రి ఏ రేవంత్ రెడ్డి గారు హాజరవుతారని, ఆయనే ఆవిష్కరిస్తారని తెలుస్తోంది.

ప్రముఖ నటుడు, ఎస్పీ బాలసుబ్రహ్మణ్యం గారి సన్నిహిత స్నేహితుడు శుభలేఖ సుధాకర్ ఈ ఉదయం సీఎం రేవంత్ రెడ్డిని కలిసి అధికారిక ఆహ్వాన పత్రిక అందజేశారు. ఈ సందర్భంగా బాలు గారి కుమార్తె పల్లవి, కుటుంబ సభ్యుల తరపున సుధాకర్ గారు ముఖ్యమంత్రికి ప్రత్యేక కృతజ్ఞతలు తెలిపారు. “బాలు గారు జీవించి ఉన్నప్పుడే ఈ గౌరవం జరగాల్సింది… ఆలస్యమైనా ఈ నిర్ణయం తీసుకున్నందుకు రేవంత్ గారికి, ప్రభుత్వానికి హృదయపూర్వక ధన్యవాదాలు” అని సుధాకర్ గారు భావోద్వేగంతో మాట్లాడారు. డిసెంబర్ 15న జరిగే ఈ కార్యక్రమానికి సినీ పరిశ్రమ పెద్దలు, సంగీత ప్రియులు పెద్ద ఎత్తున హాజరయ్యే అవకాశం ఉంది. బాలు గారి అభిమానులందరూ ఈ రోజు కోసం ఎంతో ఆసక్తిగా ఎదురుచూస్తున్నారు.