నచ్చిన పాత్ర కోసం ఎన్ని ఏళ్లైనా ఎదురుచూస్తా - సిద్ధార్థ్

‘రంగ్ దే బసంతి’ సినిమాతో బాలీవుడ్‌లోకి అడుగుపెట్టిన నటుడు సిద్ధార్థ్, హిందీ సినిమాలకు ఎందుకు దూరంగా ఉన్నారనే విషయంపై తాజాగా స్పందించారు. తనకు నచ్చిన తరహా పాత్రలు బాలీవుడ్‌లో రావడం లేదని, అవకాశాల కోసం ఎప్పుడూ వెంపర్లాడలేదని చెప్పారు. మంచి పాత్ర కోసం అవసరమైతే పదేళ్లైనా ఎదురుచూస్తానని ఆయన వెల్లడించారు.

ప్రస్తుతం తమిళం, తెలుగు, మలయాళం, కన్నడ భాషల్లో సినిమాలు చేస్తూనే కుటుంబానికి ఎక్కువ సమయం కేటాయిస్తున్నానని సిద్ధార్థ్ తెలిపారు. తన కెరీర్‌లో ‘ఆపరేషన్ సఫేద్ సాగర్’ అత్యంత ముఖ్యమైన చిత్రాల్లో ఒకటని పేర్కొన్నారు. ఈ వార్ యాక్షన్ డ్రామా ఆగస్టు 7 నుంచి నెట్‌ఫ్లిక్స్‌లో హిందీ, తెలుగు, తమిళ, కన్నడ, మలయాళ భాషల్లో స్ట్రీమింగ్ కానుంది.