టాలీవుడ్‌లో హాలీవుడ్ మేకింగ్‌తో సంచలనం సృష్టించబోతున్న ‘ది మానిటి ఇన్'

టాలీవుడ్ చిత్ర పరిశ్రమను అంతర్జాతీయ స్థాయికి తీసుకెళ్లే లక్ష్యంతో, అత్యున్నత సాంకేతిక విలువలతో రూపొందుతున్న ‘ది మానిటి.ఇన్’ చిత్రం త్వరలో సెట్స్‌పైకి వెళ్లనుంది. దర్శకుడు బీఎస్ రావు ఈ ప్రాజెక్ట్ ద్వారా భారతీయ సినిమా చరిత్రలో ఎన్నడూ చూడని సరికొత్త విజువల్ అనుభూతిని అందించబోతున్నారు. వందల కోట్ల బడ్జెట్‌ను దాటి వేల కోట్ల వసూళ్లను లక్ష్యంగా పెట్టుకున్న ఈ చిత్రం, హాలీవుడ్ యాక్షన్ ఫిల్మ్స్ తరహాలో రూపొందనుంది.

వీఎఫ్ఎక్స్‌లో అనుభవం కలిగిన టీమ్‌తో కలిసి, టాలీవుడ్‌లో తొలిసారిగా ఐమ్యాక్స్ 8కే ఫార్మాట్‌లో ఈ సినిమా తెరకెక్కించనున్నారు. “మానవత్వం విఫలమైనప్పుడు ‘మానిటీ’ ఏం చేస్తుంది?” అనే ప్రత్యేక కాన్సెప్ట్‌తో కథ నడుస్తుందని దర్శకుడు తెలిపారు. ఇటీవల విడుదలైన పోస్టర్లలో “మానవత్వం నిర్లక్ష్యం చేయబడినప్పుడు... ‘మానిటీ’ ఉద్భవిస్తుంది” అనే ట్యాగ్‌లైన్ సినిమాపై ఆసక్తిని మరింత పెంచింది.