ప్రభాస్ ‘కల్కి’ మూవీలో నటించేందుకు బంపర్ ఆఫర్

పాన్ ఇండియా స్టార్ ప్రభాస్ అభిమానులకు మాత్రమే కాదు, సినిమా రంగంలో తమ ప్రతిభను నిరూపించుకోవాలనుకునే కొత్త నటీనటులకు ఇది అరుదైన అవకాశం. నాగ్ అశ్విన్ దర్శకత్వంలో వచ్చిన ‘కల్కి 2898 AD’ భారీ విజయాన్ని సాధించిన తర్వాత, అదే యూనివర్స్‌ను విస్తరించేందుకు మేకర్స్ సిద్ధమయ్యారు. పురాణాలు, సైన్స్ ఫిక్షన్ మేళవింపుతో రూపొందిన ఈ చిత్రం ప్రపంచవ్యాప్తంగా ప్రేక్షకులను ఆకట్టుకుంది. ఇప్పుడు ‘కల్కి 2’ కోసం వైజయంతీ మూవీస్ అధికారికంగా కాస్టింగ్ కాల్ ప్రకటిస్తూ, వయసు, లింగ భేదం లేకుండా టాలెంట్ ఉన్న వారందరికీ అవకాశం కల్పిస్తోంది.

ఆసక్తి ఉన్న వారు తమ ప్రొఫైల్, పోర్ట్‌ఫోలియో, నటన వివరాలను kalkiuniversecasting@gmail.comకు పంపాలని సూచించారు. పాత్రల వివరాలు వెల్లడించకపోయినా, ఈ ప్రకటన సోషల్ మీడియాలో వైరల్‌గా మారింది. తొలి భాగం ప్రపంచవ్యాప్తంగా దాదాపు రూ.1000 కోట్ల వసూళ్లు సాధించగా, సీక్వెల్‌పై భారీ అంచనాలు నెలకొన్నాయి. ఈ నేపథ్యంలో ‘కల్కి 2’లో నటించే అవకాశం కోసం ఎదురుచూస్తున్న వారికి ఇది నిజమైన గోల్డెన్ ఛాన్స్‌గా మారింది.