సాయిపల్లవికి షాక్… నిరాశపరిచిన బాలీవుడ్ ఎంట్రీ !

సహజ నటనతో గుర్తింపు తెచ్చుకున్న సాయిపల్లవి బాలీవుడ్‌లో ‘ఏక్ దిన్’ సినిమాతో అడుగుపెట్టింది. జునైద్ ఖాన్ హీరోగా నటించిన ఈ సినిమాపై విడుదలకు ముందు మంచి ఆసక్తి కనిపించింది. కానీ విడుదల తర్వాత సినిమా ప్రేక్షకులను ఆకట్టుకోలేకపోయింది. ప్రమాదం తర్వాత ఒక రోజు జ్ఞాపకాలను కోల్పోయే యువతి పాత్రలో సాయిపల్లవి నటనకు ప్రశంసలు వచ్చినా, కథ మాత్రం ప్రేక్షకులకు పెద్దగా నచ్చలేదు.

ముందస్తు బుకింగ్స్ బలహీనంగా ఉండటం, ప్రచారం సరైన స్థాయిలో జరగకపోవడం సినిమాపై ప్రభావం చూపింది. సాయిపల్లవికి ఇది మంచి బాలీవుడ్ ఆరంభం అవుతుందని అభిమానులు భావించినా ఫలితం నిరాశపరిచింది. ప్రస్తుతం ఆమె ‘రామాయణ’ చిత్రంతో పాటు ప్రముఖ గాయని ఎం.ఎస్. సుబ్బులక్ష్మి జీవిత కథ ఆధారంగా తెరకెక్కుతున్న సినిమాలో కూడా నటిస్తోంది. కథల ఎంపికలో జాగ్రత్తగా ఉండే సాయిపల్లవి ఇకపై మరింత బలమైన కథలను ఎంచుకోవాలని అభిమానులు కోరుకుంటున్నారు.