గ్రామీణ ఫోక్ మ్యూజిక్‌కు యూత్ నుంచి భారీ స్పందన

ప్రస్తుతం తెలంగాణ ఫోక్ సాంగ్స్ యూట్యూబ్, ఇన్‌స్టాగ్రామ్ వంటి సోషల్ మీడియా ప్లాట్‌ఫార్మ్స్‌ను షేక్ చేస్తున్నాయి. గ్రామీణ ప్రాంతాల్లో పాడుకునే పల్లె పాటలు ఇప్పుడు మిలియన్ల వ్యూస్‌తో నెట్టింట దూసుకుపోతున్నాయి. ముఖ్యంగా డీజేలు, ఫంక్షన్లు, రీల్స్‌లో ఈ పాటల హవా విపరీతంగా పెరిగింది. యూత్ కూడా ఈ ఫోక్ బీట్స్‌కు బాగా కనెక్ట్ అవుతున్నారు.

తాజాగా ‘సన్న సన్న బియ్యమే’ అనే ఫోక్ సాంగ్ సోషల్ మీడియాలో భారీగా ట్రెండ్ అవుతోంది. మాధురి రాథోడ్, ఈశ్వర్ సాయి ఎనర్జిటిక్ డ్యాన్స్‌తో ఈ పాటకు మరింత క్రేజ్ తెచ్చారు. విడుదలైన కొద్ది రోజుల్లోనే లక్షలాది వ్యూస్ సంపాదించుకున్న ఈ సాంగ్ రీల్స్‌లో విపరీతంగా వైరల్ అవుతోంది. పల్లెటూరి వాతావరణాన్ని ప్రతిబింబించే ఈ పాట ప్రస్తుతం నెట్టింట హాట్ టాపిక్‌గా మారింది.