ఐఎస్ఐఎస్ ప్రచారంపై ఎన్ఐఏ దాడులు

ఐఎస్ఐఎస్, అల్‌ఖైదా సిద్ధాంతాలను ఆన్‌లైన్‌లో ప్రచారం చేస్తున్నారనే కేసులో జాతీయ దర్యాప్తు సంస్థ (ఎన్ఐఏ) దేశవ్యాప్తంగా 20 ప్రాంతాల్లో ఏకకాలంలో సోదాలు నిర్వహించింది. ఈ దాడులు ఆంధ్రప్రదేశ్, తెలంగాణతో పాటు పలు రాష్ట్రాల్లో మంగళవారం చేపట్టినట్లు అధికారులు వెల్లడించారు.

ఈ కేసులో ఇప్పటివరకు 11 మంది నిందితులతో పాటు ఒక బాలుడిని అదుపులోకి తీసుకున్నట్లు ఎన్ఐఏ తెలిపింది. సోదాల సందర్భంగా పలు డిజిటల్ పరికరాలు, ఎలక్ట్రానిక్ గ్యాడ్జెట్లను స్వాధీనం చేసుకున్న అధికారులు, వాటిని ఫోరెన్సిక్ పరీక్షలకు పంపించి మరిన్ని ఆధారాలు సేకరించనున్నట్లు వెల్లడించారు.