నాని ‘ఏషనాగుల’ పాటకు రికార్డు వ్యూస్‌.. టాలీవుడ్‌లో సరికొత్త రికార్డు

నేచురల్‌ స్టార్‌ నాని నటిస్తున్న ‘ది పారడైజ్‌’ సినిమా నుంచి విడుదలైన ‘ఏషనాగుల’ పాటకు భారీ స్పందన లభిస్తోంది. విడుదలైన కొద్దిరోజుల్లోనే ఈ మాస్‌ సాంగ్‌ యూట్యూబ్‌తో పాటు రీల్స్‌, షార్ట్స్‌, మీమ్స్‌లోనూ విపరీతంగా ట్రెండ్‌ అవుతోంది. పాటలోని ఎనర్జిటిక్‌ బీట్‌, మాస్‌ రిథమ్‌ ప్రేక్షకులను ఆకట్టుకోవడంతో ఈ సాంగ్‌ వేగంగా వైరల్‌గా మారింది.

తాజాగా ‘ఏషనాగుల’ పాట యూట్యూబ్‌లో 50 మిలియన్‌ వ్యూస్‌ మార్క్‌ను దాటింది. విడుదలైన ఐదు రోజుల్లోనే ఈ మైలురాయిని అందుకున్న తొలి తెలుగు పాటగా రికార్డు సృష్టించినట్లు చిత్ర బృందం వెల్లడించింది. అనిరుధ్‌ రవిచందర్‌ సంగీతం, తెలంగాణ జానపద బాణీ ఆధారంగా రూపొందిన పాటకు వస్తున్న స్పందన ‘ది పారడైజ్‌’పై అంచనాలను మరింత పెంచుతోంది.