అగ్నిజ్వాలలు, హనుమాన్ స్టిల్స్ తో వానర మూవీ పోస్టర్ వైరల్!

“వానర” చిత్రంతో అవినాశ్ తిరువీధుల కథానాయకుడిగా, దర్శకుడిగా పరిచయం అవుతున్నారు. సిమ్రాన్ చౌదరి కథానాయికగా నటిస్తున్న ఈ సినిమాలో నందు ప్రతినాయకుడిగా ఆకట్టుకోనున్నారు. సాయిమాధవ్ బుర్రా అందించిన శక్తివంతమైన డైలాగ్‌లు, సోషియో ఫాంటసీ కథాంశంతో వానర ప్రేక్షకులను అలరించేందుకు సిద్ధంగా ఉంది.

సిల్వర్ స్క్రీన్ సినిమాస్ బ్యానర్‌పై శంతను పతి సమర్పణలో అవినాశ్ బుయాని, ఆలపాటి రాజా, సి. అంకిత్ రెడ్డి ఈ చిత్రాన్ని నిర్మిస్తున్నారు. వివేక్ సాగర్ సంగీతం సినిమాకు ప్రత్యేక ఆకర్షణగా నిలవనుంది. ఈ రోజు విడుదల చేసిన ఫస్ట్ లుక్ పోస్టర్‌లో హీరో అవినాశ్ బైక్‌పై ప్రయాణిస్తుండగా, ఆయనకు రక్షణగా హనుమంతుడు వెంట సాగుతున్న దృశ్యం ఆసక్తిని రేకెత్తిస్తోంది. సినిమా త్వరలోనే గ్రాండ్ థియేట్రికల్ రిలీజ్‌కు సిద్ధమవుతోంది.