నెటిజన్స్ ను కలచివేస్తున్న మెహర్ రమేష్ ఎమోషనల్ పోస్ట్

ప్రముఖ దర్శకుడు మెహర్ రమేష్ తన అక్క మెహర్ జ్యోతి సుంకర అకాల మరణంతో తీవ్ర విషాదంలో మునిగిపోయారు. ఈ సందర్భంగా ఆయన సోషల్ మీడియాలో పంచుకున్న భావోద్వేగ పోస్టు నెటిజన్లను కలచివేస్తోంది. బాల్యానికి చెందిన అరుదైన బ్లాక్ అండ్ వైట్ ఫోటోను ఇన్‌స్టాగ్రామ్‌లో షేర్ చేస్తూ, అందులో చిరంజీవి, నాగబాబుతో కలిసి ఉన్న క్షణాలను గుర్తుచేసుకున్నారు. అలాగే కుటుంబాన్ని పరామర్శించిన పవన్ కళ్యాణ్ చిత్రాలను కూడా పోస్టులో జోడించారు.

వైరల్ న్యుమోనియాతో రెండు వారాలపాటు పోరాడిన మెహర్ జ్యోతి సుంకర ఇటీవల కన్నుమూయడంతో కుటుంబంలో తీవ్ర విషాదం నెలకొంది. ఈ క్లిష్ట సమయంలో కుటుంబానికి అండగా నిలిచిన అందరికీ మెహర్ రమేష్ కృతజ్ఞతలు తెలిపారు. ఉప ముఖ్యమంత్రి పవన్ కళ్యాణ్ స్వయంగా ఆసుపత్రికి వెళ్లి సానుభూతి వ్యక్తం చేయడం విశేషం. ప్రస్తుతం ఈ భావోద్వేగ పోస్టు సోషల్ మీడియాలో విస్తృతంగా వైరల్ అవుతోంది.