బ్రేకప్‌పై జాసన్ సంజయ్ ఆసక్తికర వ్యాఖ్యలు

నటుడు విజయ్‌ కుమారుడు, దర్శకుడు జాసన్ సంజయ్ తన వ్యక్తిగత జీవితం గురించి ఆసక్తికర విషయాలను వెల్లడించారు. తన తొలి దర్శకత్వ చిత్రం ‘సిగ్మా’ ప్రమోషన్స్‌లో భాగంగా ఇచ్చిన ఇంటర్వ్యూలో ఆయన కాలేజీ రోజుల్లో ఒకరితో ప్రేమలో ఉన్నట్లు తెలిపారు. దాదాపు ఏడాదిన్నర పాటు తమ ప్రేమ కొనసాగిందని, విదేశాల్లో ఫిల్మ్‌మేకింగ్‌ చదువుతున్న సమయంలో ఇద్దరూ పరస్పర అంగీకారంతో విడిపోయామని చెప్పారు.

బ్రేకప్‌ తర్వాత తాను యూవన్ శంకర్ రాజా ప్రేమగీతాలు వింటూ ఉండేవాడినని జాసన్ సంజయ్ తెలిపారు. ఆ సమయంలో ఇన్‌స్టాగ్రామ్‌లో స్టోరీలు పెట్టకూడదని నిర్ణయించుకున్నానని, మళ్లీ ఇద్దరూ మాట్లాడుకోవడం మొదలైతే ఆ బంధం నుంచి బయటపడటం కష్టమవుతుందని భావించి దూరం పాటించామని చెప్పారు. ప్రస్తుతం తాను ఆ అనుభవం నుంచి పూర్తిగా బయటపడ్డానని, ఇద్దరూ తమ జీవితాల్లో ముందుకు సాగుతున్నారని పేర్కొన్నారు. ఆ తర్వాతే ‘సిగ్మా’పై దృష్టి పెట్టి సినిమా పనుల్లోకి వెళ్లినట్లు వెల్లడించారు.