

సూపర్హిట్ చిత్రం ‘హనుమాన్’ సీక్వెల్ విషయంలో టాలీవుడ్లో ఆసక్తికర పరిణామాలు చోటుచేసుకుంటున్నాయి. ఒరిజినల్ సినిమాను నిర్మించిన నిర్మాత నిరంజన్ రెడ్డి, దర్శకుడు ప్రశాంత్ వర్మ మధ్య కొంతకాలంగా ఆర్థికపరమైన విభేదాలు ఉన్నట్లు సమాచారం. ఈ నేపథ్యంలో ప్రశాంత్ వర్మ ఆయన నుంచి విడిపోయి, మైత్రీ మూవీ మేకర్స్తో కలిసి ‘జై హనుమాన్’ చిత్రాన్ని ప్రారంభించారు. ఇందులో రిషబ్ శెట్టి కథానాయకుడిగా నటిస్తున్నారు. ఇదిలా ఉండగా, ‘హనుమాన్’ చిత్రాన్ని నిర్మించిన ప్రైమ్షో ఎంటర్టైన్మెంట్ అనూహ్యంగా తన సొంత సీక్వెల్ను ప్రకటించింది. ‘హనుమాన్ 2 – ది రైజ్ ఆఫ్ వానరాస్’ పేరుతో ఈ సినిమాను తెరకెక్కించనున్నట్లు వెల్లడించింది.
ఈ కొత్త ప్రాజెక్టులో మెగా హీరో పంజా వైష్ణవ్ తేజ్ కథానాయకుడిగా నటించనుండగా, వీఐ ఆనంద్ దర్శకత్వం వహించనున్నారు. ఈ విషయాన్ని ప్రైమ్షో ఎంటర్టైన్మెంట్ ఎక్స్ వేదికగా ప్రకటించింది. ‘హనుమాన్’ వారసత్వాన్ని మరింత పెద్ద విజన్తో ముందుకు తీసుకెళ్తున్నామని నిర్మాణ సంస్థ పేర్కొంది. దీంతో అసలు ‘హనుమాన్’ సీక్వెల్ ఏది? అనే ఆసక్తి ప్రేక్షకుల్లో నెలకొంది. ఒకవైపు ప్రశాంత్ వర్మ దర్శకత్వంలో మైత్రీ మూవీ మేకర్స్ నిర్మిస్తున్న ‘జై హనుమాన్’, మరోవైపు ప్రైమ్షో ఎంటర్టైన్మెంట్ ప్రకటించిన ‘హనుమాన్ 2’ ఉండటంతో టాలీవుడ్లో ఈ రెండు ప్రాజెక్టులపై చర్చ మొదలైంది. రాబోయే రోజుల్లో ఈ సినిమాలకు సంబంధించి మరిన్ని వివరాలు వెల్లడయ్యే అవకాశం ఉంది.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!