

దుల్కర్ సల్మాన్ తాజా చిత్రం ‘ఆకాశంలో ఒక తార’కు విమర్శకుల నుంచి మంచి ప్రశంసలు లభిస్తున్నాయి. ఈ ఏడాదిలో వచ్చిన అత్యుత్తమ చిత్రాల్లో ఒకటిగా పలువురు సినీ విశ్లేషకులు ఈ సినిమాను అభివర్ణిస్తున్నారు. పవన్ సాధినేని దర్శకత్వం వహించిన ఈ ఎమోషనల్ డ్రామాలో నూతన నటి సాత్విక వీరవల్లి కథానాయికగా నటించారు. ఇప్పటికే ప్రముఖ టికెట్ బుకింగ్ ప్లాట్ఫామ్ బుక్మైషోలో ఈ సినిమా 1.10 లక్షలకు పైగా టికెట్లు విక్రయించి ఆకట్టుకుంది. సినిమాకు వస్తున్న పాజిటివ్ రివ్యూల నేపథ్యంలో వారాంతంలో టికెట్ విక్రయాలు మరింత పెరిగే అవకాశం ఉందని అంచనా వేస్తున్నారు. మంచి స్పందనతో ఈ చిత్రం ప్రేక్షకుల్లో ఆసక్తిని పెంచుతోంది.
‘ఆకాశంలో ఒక తార’ కథ ఓ యువతి వ్యోమగామి కావాలనే కల చుట్టూ సాగుతుంది. ఆమె లక్ష్యాన్ని చేరుకోవడానికి భర్త ఎలా అండగా నిలిచాడు? ఆ ప్రయాణంలో ఎదురైన భావోద్వేగాలు, సవాళ్లు ఏమిటి? అనే అంశాలతో ఈ చిత్రాన్ని తెరకెక్కించారు. ఇందులో శ్రుతి హాసన్, రుహాని శర్మ కీలక పాత్రల్లో నటించారు. గీతా ఆర్ట్స్, స్వప్న సినిమా, లైట్బాక్స్ మీడియా బ్యానర్లపై సందీప్ గున్నం, రమ్య గున్నం సంయుక్తంగా ఈ చిత్రాన్ని నిర్మించారు. జి.వి. ప్రకాశ్ కుమార్ సంగీతం అందించారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!