నందిని ప్రధాన పాత్రలో ‘లలిత’ ఫస్ట్‌లుక్ విడుదల

ప్రముఖ గేయ రచయిత జొన్నవిత్తుల రామలింగేశ్వరరావు దర్శకత్వంలో ‘లలిత’ అనే కొత్త సినిమా రూపొందుతోంది. ఈ చిత్రాన్ని పి. సుధీర్ రాజు, డి. వైష్ణవి నేహా నిర్మిస్తున్నారు. నందిని టైటిల్ పాత్రలో నటిస్తుండగా, అభిలాష్ పీలా, అఖిల్ వివాన్ హీరోలుగా కనిపించనున్నారు.

ఈ సినిమాను సోమవారం అధికారికంగా ప్రకటిస్తూ ఫస్ట్‌లుక్ విడుదల చేశారు. తన విశ్వాసం, వ్యక్తిత్వం కోసం నిలబడే ఓ మహిళ కథ ఆధారంగా ఈ చిత్రం తెరకెక్కుతోంది. “గర్ల్‌ఫ్రెండ్ అంటే బానిస కాదు” అనే ఉపశీర్షిక ప్రేక్షకుల్లో ఆసక్తిని రేకెత్తిస్తోంది. రఘుబాబు, పృథ్వీరాజ్ తదితరులు కీలక పాత్రల్లో నటిస్తున్నారు. మణి–నాగరాజు సంగీతం అందిస్తుండగా, టి. సురేంద్ర రెడ్డి సినిమాటోగ్రఫీ చేస్తున్నారు. మరిన్ని వివరాలు త్వరలో వెల్లడించనున్నారు.