

యువ కథానాయకుడు నాగ చైతన్య తన తదుపరి చిత్రం ‘వృషకర్మ’తో ప్రేక్షకులను అలరించేందుకు సిద్ధమవుతున్నారు. ‘విరూపాక్ష’ సినిమాతో గుర్తింపు తెచ్చుకున్న దర్శకుడు కార్తీక్ దండు ఈ మిస్టికల్ థ్రిల్లర్ను తెరకెక్కిస్తున్నారు. ఇప్పటికే ఈ సినిమాపై ప్రేక్షకుల్లో మంచి అంచనాలు నెలకొన్నాయి. ఈ క్రమంలో చిత్ర బృందం తాజాగా రెండో పాట ‘చలో పధవే’ను విడుదల చేసింది. అజనీష్ లోక్నాథ్ స్వరపరిచిన ఈ పాట భావోద్వేగాలతో నిండిన మెలోడీగా ఆకట్టుకుంటోంది. సినిమాలో నాగ చైతన్య పాత్రకు, ఆటిజంతో బాధపడుతున్న చిన్నారి పాత్రలో నటిస్తున్న కియారా ఖన్నాకు మధ్య ఉన్న అనుబంధాన్ని ఈ పాటలో అందంగా చూపించారు. పాటలోని విజువల్స్, సంగీతం ప్రేక్షకులకు భావోద్వేగ అనుభూతిని అందిస్తున్నాయి.
అనంత శ్రీరామ్ రాసిన సాహిత్యం జీవితంలోని విలువను, దాని గొప్పతనాన్ని వివరిస్తుండగా.. సాయి విఘ్నేష్ తన గాత్రంతో పాటలోని భావాన్ని చక్కగా పలికించారు. ఈ చిత్రంలో మీనాక్షి చౌదరి కథానాయికగా నటిస్తుండగా, స్పర్శ్ శ్రీవాస్తవ, జయరామ్ కీలక పాత్రల్లో కనిపించనున్నారు. ఎస్వీసీసీ, సుకుమార్ రైటింగ్స్ బ్యానర్లపై బీవీఎస్ఎన్ ప్రసాద్, సుకుమార్ సంయుక్తంగా ఈ చిత్రాన్ని నిర్మిస్తున్నారు. ఆసక్తికరమైన కథాంశం, ప్రముఖ తారాగణం, ఇప్పటికే ప్రేక్షకుల్లో ఏర్పడిన అంచనాలతో ‘వృషకర్మ’పై ఆసక్తి పెరుగుతోంది. ఈ సినిమాను 2026 డిసెంబర్ 4న ప్రపంచవ్యాప్తంగా గ్రాండ్గా విడుదల చేయనున్నట్లు చిత్ర బృందం ప్రకటించింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!