‘విశ్వంభర’ నుంచి అదిరిపోయే అప్‌డేట్‌

మెగాస్టార్‌ చిరంజీవి హీరోగా తెరకెక్కుతున్న సోషియో ఫ్యాంటసీ యాక్షన్‌ మూవీ ‘విశ్వంభర’ విడుదల కోసం అభిమానులు ఎంతోకాలంగా ఎదురుచూస్తున్నారు. ‘బింబిసార’ ఫేమ్‌ వశిష్ఠ దర్శకత్వం వహిస్తున్న ఈ చిత్రానికి వీఎఫ్‌ఎక్స్‌ పనులపై ఎక్కువ సమయం కేటాయించడంతో విడుదల ఆలస్యమైంది. జూలైలోనైనా సినిమా థియేటర్లలోకి వస్తుందని భావించినా అది జరగలేదు. దీంతో కొంతకాలంగా ఎలాంటి అప్‌డేట్‌ లేకపోవడంతో మెగా అభిమానుల్లో ఆసక్తి తగ్గుతున్న వేళ మేకర్స్‌ సర్‌ప్రైజ్‌ ఇచ్చారు.

చిరంజీవి పుట్టినరోజు సందర్భంగా ‘విశ్వంభర’ ప్రత్యేక పోస్టర్‌ను విడుదల చేయడంతో పాటు ఒరిజినల్‌ సౌండ్‌ట్రాక్‌ ఆడియోను కూడా విడుదల చేశారు. దాదాపు నిమిషం నిడివి ఉన్న ఈ ఆడియో మెగా అభిమానులను ఆకట్టుకుంటోంది. యూవీ క్రియేషన్స్‌ బ్యానర్‌పై వంశీ, ప్రమోద్‌, విక్రమ్‌ నిర్మిస్తున్న ఈ చిత్రంలో చిరంజీవి సరసన త్రిష, ఆషికా రంగనాథ్‌ కథానాయికలుగా నటిస్తున్నారు.