

ధనుష్ కథానాయకుడిగా నటించిన ‘ఓ.ఎం. (ఆపరేషన్ మోల్)’ చిత్రం నవంబర్ 20న ప్రేక్షకుల ముందుకు రానుంది. స్మగ్లింగ్ నేపథ్యంలో తెరకెక్కిన ఈ సినిమాలో సాయిపల్లవి ఐపీఎస్ అధికారిణి నిత్యారెడ్డి పాత్రలో నటించగా.. మమ్ముట్టి మరో కీలక పాత్ర పోషించారు. శివకార్తికేయన్ హీరోగా నటించిన ‘అమరన్’తో విజయాన్ని అందుకున్న రాజ్కుమార్ పెరియసామి ఈ చిత్రానికి దర్శకత్వం వహించారు. సినిమా విడుదలకు ముందు ధనుష్ సోషల్ మీడియా వేదికగా ప్రేక్షకులకు ఓ లేఖ విడుదల చేశారు. సినిమాను థియేటర్లలోనే వీక్షించి చిత్ర పరిశ్రమకు మద్దతు ఇవ్వాలని కోరారు.
ఈ సందర్భంగా ‘ఓ.ఎం.’ చిత్రానికి ఉదయం 6 గంటల షోల ప్రదర్శనకు అనుమతిచ్చిన తమిళనాడు ప్రభుత్వానికి, ముఖ్యమంత్రి విజయ్కు ధనుష్ ప్రత్యేకంగా ధన్యవాదాలు తెలిపారు. తెల్లవారుజామున షోలకు వచ్చే అభిమానులు బాధ్యతాయుతంగా వ్యవహరించాలని, ఇతర ప్రేక్షకులకు ఎలాంటి అసౌకర్యం కలిగించవద్దని విజ్ఞప్తి చేశారు. ఒక సినిమా విజయం వెనుక వివిధ విభాగాలకు చెందిన ఎంతోమంది సమష్టి కృషి, అంకితభావం ఉంటాయని పేర్కొన్నారు. థియేటర్లకు వెళ్లి సినిమాలను చూడటమే సినీ పరిశ్రమకు ప్రేక్షకులు అందించగలిగే గొప్ప మద్దతు అని ధనుష్ తన లేఖలో వెల్లడించారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!