రామ్ ఓవర్సీస్ టూర్ వెనక సీక్రెట్ ప్లాన్ ఏంటి? “తాలూకా” సక్సెస్ కోసం పెద్ద గేమ్!

రామ్ పోతినేని తన కొత్త సినిమా “ఆంధ్ర కింగ్ తాలూకా” రిలీజ్‌కి రెడీ అవుతున్నాడు. ఈ సినిమా ఈ నెల 28న థియేటర్స్‌లో గ్రాండ్‌గా రిలీజ్ కానుంది. ఈ సినిమాకి దర్శకత్వం వహించినవారు మహేష్ బాబు పి, నిర్మాతలు మైత్రి మూవీ మేకర్స్. ఇప్పటికే ఈ సినిమాకి వచ్చిన పాటలు, టీజర్‌కి సూపర్ రెస్పాన్స్ వచ్చింది. సినిమా టీమ్‌కి సినిమాపై చాలా నమ్మకం ఉంది. అందుకే రిలీజ్ ముందు ప్రొమోషన్స్‌ని అగ్రెసివ్‌గా ప్లాన్ చేశారు.
మొదటిసారి రామ్ తన కెరీర్‌లో అమెరికాలో కూడా ప్రొమోషన్స్ చేయబోతున్నాడు. ఈ యూఎస్ఏ టూర్ నవంబర్ 26న మొదలై 30వరకు కొనసాగుతుంది. రామ్ అక్కడ ప్రీమియర్ షోలకి హాజరవుతూ, ఫ్యాన్స్‌తో ఇంటరాక్ట్ అవ్వబోతున్నాడు.

ఈ సినిమాలో హీరోయిన్‌గా భాగ్యశ్రీ బోర్స్ నటిస్తుండగా, ఉపేంద్ర కీలక పాత్రలో కనిపించనున్నాడు. ఈ అమెరికా టూర్ వల్ల “ఆంధ్ర కింగ్ తాలూకా”కి అక్కడ మంచి ఓపెనింగ్స్ వస్తాయని ట్రేడ్ టాక్. అంతేకాదు, ఈ సినిమా జానర్ కూడా లవ్ స్టోరీతో కొత్త బ్యాక్‌డ్రాప్‌లో ఉండడం వల్ల ఓవర్సీస్ ఆడియన్స్‌కి బాగా కనెక్ట్ అవుతుందనే అంచనాలు ఉన్నాయి.