రష్యా చమురు రవాణాలకు అమెరికా గ్రీన్ సిగ్నల్

రష్యా ముడి చమురు రవాణాపై అమల్లో ఉన్న ఆంక్షల మినహాయింపును అమెరికా ఖజానా విభాగం మరో నెలపాటు పొడిగించింది. సముద్ర మార్గంలో ఇప్పటికే ప్రయాణిస్తున్న రష్యా చమురు రవాణాలకు ఈ సడలింపు వర్తించనుంది. తాజా సాధారణ అనుమతి 134సి ప్రకారం, ఏప్రిల్ 17కు ముందు సముద్రంలో ఉన్న చమురు రవాణాలకు జూన్ 17 వరకు అనుమతి కొనసాగుతుంది.

అయితే ఈ మినహాయింపు ప్రతి లావాదేవీకి వర్తించదని అమెరికా స్పష్టం చేసింది. ఇరాన్‌, ఉత్తర కొరియా, క్యూబా లేదా రష్యా ఆక్రమిత ఉక్రెయిన్ ప్రాంతాలకు చెందిన వ్యక్తులు, సంస్థలతో జరిగే లావాదేవీలు ఈ సడలింపు పరిధిలోకి రావు. అంతర్జాతీయ ఇంధన మార్కెట్‌పై ఈ నిర్ణయం ప్రభావం చూపే అవకాశం ఉందని విశ్లేషకులు భావిస్తున్నారు.