
రాజకీయాలు

శ్రీలక్ష్మీ నరసింహ స్వామి దేవస్థానంలో కార్తిక మాస ఉత్సవాలు భక్తిశ్రద్ధలతో కొనసాగుతున్నాయి. ఈ పవిత్ర మాసంలో స్వామివారిని దర్శించుకునేందుకు భక్తులు పెద్ద సంఖ్యలో తరలివస్తున్నారు. దీంతో ఆలయ పరిసరాలు భక్తులతో సందడిగా మారాయి. తెల్లవారుజాము నుంచే భక్తులు ఆలయ పుష్కరిణిలో పుణ్యస్నానాలు ఆచరించి, అనంతరం స్వామివారిని దర్శించుకున్నారు. కార్తిక మాసం సందర్భంగా ప్రత్యేక పూజలు నిర్వహిస్తూ తమ మొక్కులు చెల్లించుకుంటున్నారు.
ఆలయంలో సత్యనారాయణ వ్రతాలను భక్తులు విశేషంగా నిర్వహిస్తున్నారు. ఆదివారం సెలవు దినం కావడంతో భక్తుల రద్దీ మరింత పెరిగింది. ఆలయ సమీపంలోని రహదారులపై కార్లు, ఇతర వాహనాలు బారులు తీరాయి. భక్తులకు ఎలాంటి అసౌకర్యం కలగకుండా దర్శన ఏర్పాట్లతో పాటు రద్దీ నియంత్రణకు దేవస్థానం అధికారులు అవసరమైన చర్యలు చేపట్టారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!