టాటా సన్స్ ఏజీఎంకు బ్రేక్.. అసలు కారణం ఇదే!

అవసరమైన కోరమ్‌ లేకపోవడంతో టాటా సన్స్ వార్షిక సర్వసభ్య సమావేశం (ఏజీఎం) వాయిదా పడింది. టాటా ట్రస్టుల తరఫున ప్రతినిధి నామినేషన్ లేకపోవడంతో సమావేశానికి అవసరమైన ప్రతినిధుల హాజరు పూర్తికాలేదు. దీంతో నిర్ణయించిన ప్రకారం ఏజీఎంను కొనసాగించలేని పరిస్థితి ఏర్పడింది.

టాటా ట్రస్టుల మధ్య నెలకొన్న కీలక ప్రతిష్ఠంభనకు ఈ పరిణామం అద్దం పడుతోంది. టాటా సన్స్‌లో టాటా ట్రస్టులకు కలిపి 51.5 శాతం వాటా ఉంది. ఈ నేపథ్యంలో ట్రస్టుల ప్రతినిధిత్వం సంస్థ పాలన, కీలక నిర్ణయాల విషయంలో ప్రాధాన్యం సంతరించుకుంది. కోరమ్‌ పూర్తికాకపోవడమే ఏజీఎం వాయిదాకు ప్రధాన కారణంగా నిలిచింది.