
రాజకీయాలు

అయ్యప్ప భక్తులకు కేంద్ర ప్రభుత్వం శుభవార్త అందించింది. శబరిమల యాత్రకు వెళ్లే భక్తులు తమ వెంట ఇరుముడిని విమాన క్యాబిన్లోకి తీసుకెళ్లేందుకు అనుమతి కల్పించింది. వరుసగా మూడో ఏడాది కూడా ఈ సదుపాయాన్ని కొనసాగిస్తూ కేంద్రం నిర్ణయం తీసుకుంది. అయ్యప్ప భక్తులు ఇరుముడిని తమ వెంట తీసుకెళ్లడం సంప్రదాయంగా వస్తోంది.
ఈ విషయాన్ని కేంద్ర పౌర విమానయాన శాఖ మంత్రి రామ్మోహన్ నాయుడు ‘ఎక్స్’ వేదికగా వెల్లడించారు. అయ్యప్ప భక్తుల సంప్రదాయాన్ని దృష్టిలో ఉంచుకుని ఇరుముడిని విమానం క్యాబిన్లోకి తీసుకెళ్లేందుకు అనుమతి ఇచ్చినట్లు తెలిపారు. ఈ నిర్ణయంతో విమానాల్లో శబరిమల యాత్రకు వెళ్లే భక్తులకు ప్రయాణం మరింత సౌకర్యవంతం కానుంది.

















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!