
రాజకీయాలు

ఆంధ్రప్రదేశ్లో నవంబర్ 26న జరగనున్న పట్టణ స్థానిక సంస్థల ఎన్నికల నేపథ్యంలో ప్రభుత్వం కీలక నిర్ణయం తీసుకుంది. పోలింగ్ జరిగే ప్రాంతాల్లోని షాపులు, వాణిజ్య సంస్థలు, ప్రైవేట్ సంస్థల్లో పనిచేసే ఉద్యోగులకు వేతనంతో కూడిన సెలవు కల్పించాలని ఆదేశించింది. ఓటర్లు తమ ఓటు హక్కును వినియోగించుకునేందుకు వీలుగా ఈ నిర్ణయం తీసుకున్నట్లు అధికారులు వెల్లడించారు.
ఈ నెల 26న రాష్ట్రంలోని నాలుగు నగరపాలక సంస్థలు, 19 మున్సిపాలిటీలు, నగర పంచాయతీల పరిధిలో పోలింగ్ జరగనుంది. ఈ 23 పట్టణ స్థానిక సంస్థల పరిధిలోని ఉద్యోగులకు మాత్రమే పెయిడ్ హాలిడే వర్తించనుంది. రాష్ట్రవ్యాప్తంగా అన్ని ప్రాంతాలకూ ఈ సెలవు వర్తించదు. సంబంధిత ప్రాంతాల్లోని ప్రైవేట్ సంస్థలు, వాణిజ్య సంస్థలు ఉద్యోగులకు సెలవు కల్పించేలా అధికారులు చర్యలు తీసుకోవాలని సూచించారు.

















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!