అనుమానాస్పద డ్రోన్‌పై దర్యాప్తు ప్రారంభం

అనుమానాస్పద డ్రోన్ తమ దేశ సరిహద్దులో కనిపించడంతో లిథువేనియా అధ్యక్షుడు గిటానాస్ నౌసెడా, ప్రధాని ఇంగా రుగినియెన్‌లు గంటకు పైగా బాంబు షెల్టర్‌లో తలదాచుకోవాల్సిన పరిస్థితి ఏర్పడింది. డ్రోన్ ముప్పు హెచ్చరికల నేపథ్యంలో రాజధానిలో అన్ని కార్యకలాపాలు తాత్కాలికంగా నిలిచిపోయాయి.

జాతీయ సంక్షోభ నివారణ కేంద్రం అధికారులు తెలిపిన ప్రకారం, బెలారస్ సరిహద్దు సమీపంలో గుర్తించిన ఆ డ్రోన్ లక్ష్యం ఇంకా స్పష్టంగా తెలియలేదు. తూర్పున బెలారస్, పశ్చిమాన రష్యా కలినింగ్రాడ్ ప్రాంతం మధ్య ఉన్న లిథువేనియా సరిహద్దులో ఈ ఘటన జరిగింది. డ్రోన్ కదలికలపై సమాచారం అందగానే నాటో వాయుసేన అప్రమత్తమైందని, అయితే తమ గగనతలంలోకి ఎలాంటి డ్రోన్ ప్రవేశించలేదని అధికారులు స్పష్టం చేశారు.