యూజర్‌నేమ్ ఫీచర్‌పై టెలిగ్రామ్‌, సిగ్నల్‌కు కేంద్రం నోటీసులు

వాట్సాప్ యూజర్‌నేమ్ ఫీచర్‌పై ఇప్పటికే నోటీసులు జారీ చేసిన కేంద్ర ప్రభుత్వం, ఇప్పుడు టెలిగ్రామ్ మరియు సిగ్నల్ మెసేజింగ్ ప్లాట్‌ఫార్మ్‌లపైనా దృష్టి సారించింది. యూజర్‌నేమ్ ఫీచర్ అమలుపై వివరణ ఇవ్వాలని కేంద్ర ఐటీ శాఖ త్వరలోనే ఈ రెండు సంస్థలకు నోటీసులు జారీ చేయనుంది.

యూజర్‌నేమ్ ఫీచర్‌లో భద్రత, గుర్తింపు ధృవీకరణ, దుర్వినియోగ అవకాశాలపై కేంద్రం సమగ్ర వివరాలు కోరుతోంది. ఈ ఫీచర్ ద్వారా నకిలీ గుర్తింపులు, మోసాలు, సైబర్ నేరాలకు అవకాశం ఉండొచ్చనే ఆందోళనల నేపథ్యంలో ప్రభుత్వం ఈ చర్యలు చేపడుతోంది.