ప్రభాకరణ్ కు నివాళులు అర్పించిన సీఎం విజయ్!

తమిళనాడు ముఖ్యమంత్రి సి. జోసెఫ్ విజయ్ ముల్లివైక్కాల్ స్మరణ దినోత్సవం సందర్భంగా మాజీ ఎల్‌టిటిఈ అధినేత వేలుపిళ్లై ప్రభాకరన్కు నివాళులు అర్పించారు. 2009లో ముగిసిన శ్రీలంక అంతర్యుద్ధం చివరి దశలో ప్రాణాలు కోల్పోయిన తమిళ ప్రజలను ప్రపంచవ్యాప్తంగా తమిళులు గుర్తుంచుకుంటారని ఆయన పేర్కొన్నారు. శ్రీలంక తమిళులకు తమ మద్దతు ఎప్పటికీ కొనసాగుతుందని విజయ్ తెలిపారు.

అయితే విజయ్ వ్యాఖ్యలు రాజకీయ వర్గాల్లో చర్చకు దారితీశాయి. మాజీ ప్రధాని రాజీవ్ గాంధీ హత్య కేసులో ప్రమేయం కారణంగా ఎల్‌టిటిఈ సంస్థ భారత్‌లో నిషేధిత సంస్థగా కొనసాగుతోంది. ప్రతి ఏడాది మే 18న ముల్లివైక్కాల్ స్మరణ దినంగా ప్రపంచవ్యాప్తంగా తమిళులు యుద్ధంలో మరణించిన పౌరులను స్మరించుకుంటారు. విజయ్ వ్యాఖ్యలపై సోషల్ మీడియాలో మిశ్రమ స్పందనలు వ్యక్తమవుతున్నాయి.