అమెరికా స్వాతంత్య్ర వేడుకల్లో కాల్పులు..

అమెరికా స్వాతంత్య్రం దినోత్సవ వేడుకల సందర్భంగా న్యూయార్క్ నగరంలోని బ్రూక్లిన్‌లోని కోనీ ఐలాండ్ వద్ద కాల్పులు కలకలం రేపాయి. బాణసంచా ప్రదర్శనను వీక్షిస్తున్న జనసమూహంపై గుర్తుతెలియని వ్యక్తులు కాల్పులు జరపడంతో నలుగురు మైనర్లు సహా ఎనిమిది మంది గాయపడ్డారు. క్షతగాత్రులను వెంటనే సమీప ఆసుపత్రులకు తరలించి చికిత్స అందిస్తున్నారు. ఘటనపై పోలీసులు దర్యాప్తు ప్రారంభించారు.

న్యూయార్క్ పోలీస్ డిపార్ట్‌మెంట్ (NYPD) తెలిపిన వివరాల ప్రకారం, గాయపడిన వారిలో 21 ఏళ్ల యువతి పరిస్థితి విషమంగా ఉంది. బాధితుల గుర్తింపు ప్రక్రియ కొనసాగుతోందని అధికారులు తెలిపారు. ఘటనాస్థలం నుంచి ఒక తుపాకీని స్వాధీనం చేసుకున్న పోలీసులు, కాల్పులకు పాల్పడిన వ్యక్తులు, ఘటన వెనుక ఉన్న కారణాలపై దర్యాప్తు కొనసాగిస్తున్నారు.