రామమందిరం విరాళాల కేసులో కీలక మలుపు

అయోధ్య రామమందిరం విరాళాల దొంగతనం కేసు దర్యాప్తును పోలీసులు వేగవంతం చేశారు. ఈ కేసులో నిందితులుగా ఉన్న ఎనిమిది మంది ఇళ్లపై పోలీసులు ఏకకాలంలో దాడులు నిర్వహించారు. దర్యాప్తులో లభించిన ఆధారాల మేరకు ఈ సోదాలు చేపట్టినట్లు అధికారులు తెలిపారు.

దాడుల సందర్భంగా నిందితుల వద్ద నుంచి రూ.79.85 లక్షల నగదును పోలీసులు స్వాధీనం చేసుకున్నారు. ఈ నగదు విరాళాల దొంగతనానికి సంబంధించినదేనా అనే కోణంలో దర్యాప్తు కొనసాగుతోంది. ఈ కేసులో మరికొందరి పాత్రపై కూడా అధికారులు విచారణ చేపట్టినట్లు సమాచారం.