ఉత్తరాఖండ్‌ ఉత్తరకాశీలో భూ ప్రకంపనలు

ఉత్తరాఖండ్‌లోని ఉత్తరకాశీ జిల్లాలో సోమవారం తెల్లవారుజామున 1:21 గంటలకు 4.2 తీవ్రతతో భూకంపం సంభవించింది. ఉత్తరకాశీ, బార్కోట్, పురోలా, మోరి, చిన్యాలిసౌర్, దుండాతో పాటు పలు ప్రాంతాల్లో ప్రకంపనలు నమోదయ్యాయి. బార్కోట్ తహసీల్‌లోని రాజ్‌గర్హి సమీపంలో సుమారు 10 కిలోమీటర్ల లోతులో భూకంప కేంద్రం ఉన్నట్లు అధికారులు తెలిపారు.

భూకంప ప్రకంపనలతో కొన్ని ప్రాంతాల్లో ప్రజలు ముందు జాగ్రత్తగా ఇళ్ల నుంచి బయటకు వచ్చారు. పరిస్థితిని అధికారులు ఎప్పటికప్పుడు పర్యవేక్షిస్తూ అప్రమత్తంగా ఉన్నారు. ప్రాథమిక సమాచారం ప్రకారం ఈ భూకంపం కారణంగా ప్రాణ, ఆస్తి నష్టానికి సంబంధించిన పెద్దగా ఎలాంటి సమాచారం లేదు.