

ప్రముఖ ఆర్థిక సంస్థలు వీసా, మాస్టర్కార్డ్, జేపీ మోర్గాన్ ఛేజ్ తమ థర్డ్పార్టీ సర్వీస్ ప్రొవైడర్లకు సంబంధించిన సైబర్ దాడుల విషయాన్ని వెల్లడించాయి. ఈ ఘటనల్లో కొన్ని కస్టమర్ల వివరాలు లీకైనప్పటికీ, చెల్లింపులకు సంబంధించిన సమాచారం మాత్రం భద్రంగానే ఉందని సంస్థలు పేర్కొన్నాయి. తమకు సేవలందించే వెండార్ను లక్ష్యంగా చేసుకొని హ్యాకర్లు డేటాను సేకరించినట్లు జేపీ మోర్గాన్ తెలిపింది. ఆసియా-పసిఫిక్ ప్రాంతంలోని తమ థర్డ్పార్టీ సర్వీస్ ప్రొవైడర్లు సైబర్ దాడులకు గురైనట్లు వీసా వెల్లడించింది. మరోవైపు, మాస్టర్కార్డ్కు చెందిన కొందరు కస్టమర్ల ఈమెయిల్ చిరునామాలు లీకైనట్లు సంస్థ నిర్ధారించింది. ప్రభావితమైన కార్డ్హోల్డర్లకు అవసరమైన సహాయం అందిస్తామని తెలిపింది.
మరోవైపు, అమెరికాలో వరుసగా చోటుచేసుకుంటున్న సాంకేతిక సమస్యలు, సాఫ్ట్వేర్ లోపాలు, సైబర్ దాడుల నేపథ్యంలో వైట్హౌస్ సైబర్ సెక్యూరిటీ చీఫ్ సీన్ కెయిర్న్స్ రాజీనామా చేసినట్లు కథనం పేర్కొంది. ఆయన పనితీరుపై అధ్యక్షుడు డొనాల్డ్ ట్రంప్ కూడా అసంతృప్తిగా ఉన్నట్లు సమాచారం. ఆయన స్థానంలో రక్షణ శాఖ చీఫ్ ఇన్ఫర్మేషన్ ఆఫీసర్ క్రిస్టిన్ డేవిస్ బాధ్యతలు చేపట్టనున్నట్లు తెలుస్తోంది. ఆర్థిక సంస్థల నుంచి ప్రభుత్వ వ్యవస్థల వరకు సైబర్ భద్రతపై ఆందోళనలు పెరుగుతున్న సమయంలో ఈ పరిణామాలు చోటుచేసుకున్నాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!