ఐడీబీఐ బ్యాంక్ వాటా విక్రయంపై పునరాలోచన.. OFS మార్గం వైపు కేంద్రం!

ఐడీబీఐ బ్యాంక్లో వాటా విక్రయ ప్రక్రియ నిలిచిపోవడంతో కేంద్ర ప్రభుత్వం కొత్త వ్యూహంపై ఆలోచిస్తోంది. ప్రస్తుతం పబ్లిక్ షేర్‌హోల్డింగ్ కేవలం 5.29 శాతం మాత్రమే ఉండటంతో సరైన మార్కెట్ విలువ లభించడం కష్టమవుతోందని గుర్తించిన ప్రభుత్వం, ఆఫర్ ఫర్ సేల్ (OFS) ద్వారా ప్రజా వాటాను పెంచాలని భావిస్తోంది. దశల వారీగా 10–15 శాతం వరకు ఫ్రీ ఫ్లోట్ పెంచడం ద్వారా బ్యాంక్‌కు మెరుగైన వాల్యూషన్ సాధించాలన్నది ప్రభుత్వ లక్ష్యం.

ప్రస్తుతం ఎల్‌ఐసీకు 49.24 శాతం, కేంద్ర ప్రభుత్వానికి 45.48 శాతం వాటా ఉంది. ఇరువురు కలిసి 60.72 శాతం వాటా విక్రయానికి బిడ్లు ఆహ్వానించినప్పటికీ, వచ్చిన ఆఫర్లు రిజర్వ్ ధర కంటే తక్కువగా ఉండటంతో ప్రక్రియను తాత్కాలికంగా నిలిపివేశారు. ఇప్పుడు OFS ద్వారా పబ్లిక్ షేర్‌హోల్డింగ్ పెంచి, తర్వాత దశలో వ్యూహాత్మక విక్రయాన్ని చేపట్టాలని ప్రభుత్వం యోచిస్తోంది.