వాహనదారులకు షాక్.. మరోసారి పెరిగిన సీఎన్‌జీ ధరలు!

వాహనదారులకు మరోసారి ధరల షాక్ తగిలింది. అదానీ టోటల్ గ్యాస్ సంస్థ సీఎన్‌జీ ధరలను మరోసారి పెంచింది. కిలోకు రూ.2.30 చొప్పున ధరను పెంచుతూ నిర్ణయం తీసుకుంది. దీంతో సీఎన్‌జీ ధర కిలోకు రూ.100.77కు చేరింది. ఇప్పటికే పెరుగుతున్న ఇంధన ఖర్చులతో ఇబ్బందులు పడుతున్న వాహనదారులకు తాజా ధరల పెంపు మరింత భారంగా మారనుంది.

ముఖ్యంగా 13 రోజుల వ్యవధిలోనే అదానీ టోటల్ గ్యాస్ రెండోసారి సీఎన్‌జీ ధరలను పెంచడం గమనార్హం. వరుసగా చోటుచేసుకుంటున్న ఈ ధరల పెంపుతో సీఎన్‌జీ వాహనాలను వినియోగించే ప్రజలపై అదనపు ఆర్థిక భారం పడనుంది. పెట్రోల్, డీజిల్‌తో పోలిస్తే తక్కువ ఖర్చుతో ప్రయాణించవచ్చనే ఉద్దేశంతో సీఎన్‌జీ వాహనాలను ఎంచుకున్న వినియోగదారులకు తాజా నిర్ణయం నిరాశ కలిగిస్తోంది.