అపోలో హాస్పిటల్స్‌కు భారీ లాభాలు

2026–27 ఆర్థిక సంవత్సరంలో సెప్టెంబర్‌తో ముగిసిన రెండో త్రైమాసికంలో (క్యూ2) అపోలో హాస్పిటల్స్‌ ఏకీకృత నికర లాభం వార్షిక ప్రాతిపదికన 31.5 శాతం పెరిగి రూ.658.4 కోట్లకు చేరుకుంది. గత ఆర్థిక సంవత్సరం 2025–26లో ఇదే త్రైమాసికానికి కంపెనీ రూ.500.6 కోట్ల నికర లాభాన్ని నమోదు చేసింది. ఆదాయం గణనీయంగా పెరగడం లాభాల వృద్ధికి దోహదపడింది. ఈ క్యూ2లో కంపెనీ ఆదాయం రూ.7,614.9 కోట్లకు చేరగా, గత ఏడాది ఇదే కాలంలో అది రూ.6,186.8 కోట్లుగా నమోదైంది.

అయితే, ఇదే సమయంలో కంపెనీ ఖర్చులు కూడా పెరిగాయి. గత ఏడాది క్యూ2లో రూ.5,568.3 కోట్లుగా ఉన్న ఖర్చులు ఈసారి రూ.6,768.3 కోట్లకు చేరాయి. ప్రస్తుత ఆర్థిక సంవత్సరం తొలి ఆరు నెలల్లో (ఏప్రిల్‌–సెప్టెంబర్‌) అపోలో హాస్పిటల్స్‌ రూ.1,227.8 కోట్ల నికర లాభాన్ని నమోదు చేసింది. గత ఆర్థిక సంవత్సరం ఇదే కాలంలో లాభం రూ.947.7 కోట్లుగా ఉంది. ఇదిలా ఉండగా, అపోలో హాస్పిటల్స్‌ విభాగం ప్రెసిడెంట్‌, సీఈఓ డాక్టర్‌ మధు శశిధర్‌ ఈ నెల 14న తన పదవి నుంచి తప్పుకోనున్నట్లు కంపెనీ వెల్లడించింది.