హైదరాబాద్‌, విశాఖ సహా 100 నగరాలకు ‘అమెజాన్‌ నౌ’ విస్తరణ

ఈ-కామర్స్ దిగ్గజం అమెజాన్ తన క్విక్ కామర్స్ సర్వీస్ ‘అమెజాన్ నౌ’ను దేశవ్యాప్తంగా 100 నగరాలకు విస్తరించనున్నట్లు ప్రకటించింది. ఈ విస్తరణలో హైదరాబాద్, విశాఖపట్నంతో పాటు పూణే, చెన్నై, కోల్‌కతా నగరాలు ఉన్నాయి. ప్రస్తుతం ఢిల్లీ-ఎన్‌సీఆర్‌, ముంబై, బెంగళూరులో ఈ సేవలు అందుబాటులో ఉన్నాయి. ఇటీవల ప్రకటించిన రూ.2,800 కోట్ల పెట్టుబడిలో భాగంగా ఈ విస్తరణ చేపడుతున్నట్టు సంస్థ వెల్లడించింది.

ఈ విస్తరణ ద్వారా రైతులకు కూడా ప్రయోజనం కలగనుంది. 16 వేల మందికి పైగా రైతులు తమ తాజా ఉత్పత్తులను నేరుగా వినియోగదారులకు విక్రయించే అవకాశం పొందుతారు. అమెజాన్ సాంకేతికత, సరఫరా వ్యవస్థల సహాయంతో తాజా ఉత్పత్తుల అందుబాటు పెరగడంతో పాటు మార్కెట్ విస్తరణకు దోహదం అవుతుందని అధికారులు తెలిపారు.