సోనియా గాంధీ రాజకీయ ప్రవేశం వెనుక ఆసక్తికర కథ.. కొత్త పుస్తకంలో కీలక విషయాలు

కాంగ్రెస్ మాజీ అధ్యక్షురాలు సోనియా గాంధీ తన రాజకీయ ప్రవేశం వెనుక ఉన్న వ్యక్తిగత సంఘర్షణలు, అప్పటి పరిస్థితుల గురించి ఆసక్తికర విషయాలను వెల్లడించారు. తాను మొదట్లో రాజకీయాలకు దూరంగా ఉండాలని భావించినట్లు ఆమె తన రాబోయే పుస్తకంలో వివరించినట్లు సమాచారం. మాజీ ప్రధాని, భర్త రాజీవ్ గాంధీ మరణం తర్వాత ఆమె రాజకీయాల్లోకి రావాలనే ఆలోచనను పిల్లలు తీవ్రంగా వ్యతిరేకించారని పేర్కొన్నారు.

ఈ క్రమంలో తనలో నెలకొన్న అంతర్మథనాన్ని అధిగమించేందుకు భగవద్గీత పారాయణం సహాయపడిందని సోనియా గాంధీ వెల్లడించినట్లు తెలుస్తోంది. ఆధ్యాత్మిక పఠనం ద్వారా మనసును స్థిరపరుచుకుని రాజకీయాల్లోకి రావడంపై నిర్ణయం తీసుకున్నట్లు ఆమె వివరించారు. నవంబర్ 10న విడుదల కానున్న ఈ పుస్తకంలో తన జీవితంలోని ఆ కీలక దశ, ఎదుర్కొన్న భావోద్వేగ సంఘర్షణల గురించి ప్రస్తావించినట్లు సమాచారం.