బ్రాడ్‌బ్యాండ్ ప్లాన్‌పై సైలెంట్ సర్ప్రైజ్?

స్వాతంత్ర్య దినోత్సవం సందర్భంగా రిలయన్స్ జియో బ్రాడ్‌బ్యాండ్ వినియోగదారుల కోసం ఆకర్షణీయమైన ఆఫర్‌ను ప్రవేశపెట్టింది. 15 నెలల పాటు 100 Mbps స్పీడ్‌తో బ్రాడ్‌బ్యాండ్ ప్లాన్‌ను రూ.10,000కే అందిస్తోంది. సాధారణంగా రూ.16,000 వరకు ఖర్చయ్యే ఈ ప్లాన్‌పై సుమారు రూ.6,000 వరకు ప్రయోజనం లభిస్తుంది. ఈ ఆఫర్ ప్రస్తుతం కొంతమంది వినియోగదారులకు మై జియో యాప్‌లో కనిపిస్తుండగా, ప్రాంతం, కనెక్షన్ రకం, కస్టమర్ ప్రొఫైల్ ఆధారంగా లభ్యత మారే అవకాశం ఉంది.

ఈ ప్లాన్ ద్వారా నెలకు సగటున రూ.666 మాత్రమే ఖర్చవుతుండగా, సాధారణ ధరతో పోలిస్తే నెలకు సుమారు రూ.400 ఆదా అవుతుంది. 100 Mbps స్పీడ్‌తో అపరిమిత డేటా అందుబాటులో ఉండటం వల్ల వర్క్ ఫ్రమ్ హోమ్, ఆన్‌లైన్ క్లాసులు, వీడియో కాల్స్, గేమింగ్, 4K స్ట్రీమింగ్ వంటి అవసరాలకు అనుకూలంగా ఉంటుంది. అదనంగా, 12కు పైగా ఓటీటీ ప్లాట్‌ఫామ్‌లు మరియు 1,000 లైవ్ టీవీ ఛానెల్స్ యాక్సెస్ కూడా ఈ ప్లాన్‌లో లభిస్తాయి.