భారత్‌లో వాట్సాప్ బిజినెస్ AI సేవలు ప్రారంభించిన మెటా!

వాట్సాప్ తన వాట్సాప్ బిజినెస్ యాప్‌లో “బిజినెస్ AI” అనే కొత్త కృత్రిమ మేధస్సు ఆధారిత ఫీచర్‌ను ప్రవేశపెట్టింది. ఈ ఫీచర్ ద్వారా వ్యాపార సంస్థలు వినియోగదారుల ప్రశ్నలకు 24 గంటల పాటు ఆటోమేటిక్‌గా సమాధానాలు ఇవ్వగలవు. అదనపు సాఫ్ట్‌వేర్ లేదా థర్డ్ పార్టీ టూల్స్ అవసరం లేకుండానే ఈ సదుపాయం పనిచేస్తుంది. ఉత్పత్తుల వివరాలు, ధరలు, డిస్కౌంట్లు, షిప్పింగ్, అపాయింట్‌మెంట్లు, సేవల సమాచారం వంటి అంశాల ఆధారంగా AI సహాయకుడు స్పందించగలడు. ముఖ్యంగా భారతీయ భాషలన్నింటికీ ఈ ఫీచర్ మద్దతు ఇవ్వడం విశేషం.

త్వరలో వాట్సాప్ చాట్స్‌లోనే UPI చెల్లింపుల సదుపాయం కూడా అందుబాటులోకి రానుందని మెటా వెల్లడించింది. క్లిష్టమైన లేదా వ్యక్తిగత సేవలు అవసరమైన సందర్భాల్లో వ్యాపార సంస్థలు మాన్యువల్‌గా చాట్‌ను స్వీకరించవచ్చు. మెటా ఇండియా బిజినెస్ మెసేజింగ్ డైరెక్టర్ రవి గార్గ్ ప్రకారం, భారతదేశంలో వ్యాపారాలు మరియు వినియోగదారుల మధ్య వాట్సాప్ ప్రధాన కమ్యూనికేషన్ వేదికగా మారింది. ప్రారంభ దశలో ఈ ఫీచర్‌ను ఉపయోగించిన కొన్ని సంస్థలు కస్టమర్ స్పందన మెరుగైందని తెలిపాయి. రాబోయే వారాల్లో ఈ ఫీచర్ భారత్‌లో అర్హత కలిగిన వ్యాపారాలకు అందుబాటులోకి రానుంది.