టీసీఎస్ భారీ గ్లోబల్ డీల్…ఉద్యోగాల్లో కొత్త మార్పులు!

టాటా కన్సల్టెన్సీ సర్వీసెస్ (టీసీఎస్) గ్లోబల్ లెర్నింగ్ సంస్థ పియర్సన్ తో వ్యూహాత్మక భాగస్వామ్యం కుదుర్చుకుంది. ఈ భాగస్వామ్యం ద్వారా కృత్రిమ మేథ ఆధారంగా సిబ్బందికి శిక్షణ అందించి, భవిష్యత్ అవసరాలకు అనుగుణంగా నైపుణ్యాలను పెంపొందించేందుకు సంస్థలకు సహకారం అందించనుంది.

ఈ క్రమంలో ఇరు సంస్థలు ఆధునిక అవసరాలకు సరిపోయే విధంగా కృత్రిమ మేథ ఆధారిత అభ్యాస ఉత్పత్తులు మరియు సేవలను రూపొందించనున్నాయి. అలాగే నియామకాలు మరియు సిబ్బంది అభివృద్ధి కార్యక్రమాల్లో అభ్యర్థుల భాషా నైపుణ్యాలను అంచనా వేసేందుకు పియర్సన్ రూపొందించిన వెర్సాంట్ విధానాన్ని వినియోగించనుంది.

ఇక అంతర్జాతీయ ప్రయాణ సేవలను డిజిటల్ దిశగా అభివృద్ధి చేయడానికి అమెడ్యూస్ తో కలిసి పనిచేస్తోంది. అదే సమయంలో సమాచార సాంకేతిక మౌలిక వసతులు, డేటా కేంద్రాలు మరియు ఇతర సాంకేతిక రంగాల్లో బలోపేతం కోసం ఏబీబీతో భాగస్వామ్యాన్ని మరింత విస్తరించింది.