HMD నుంచి కొత్త 4G ఫ్లిప్ ఫోన్..ఫీచర్లు ఇవే

నోకియా బ్రాండ్ ఫోన్ల తయారీతో గుర్తింపు పొందిన హెచ్‌ఎమ్‌డీ గ్లోబల్ త్వరలో HMD 2320 Flip 4G పేరుతో కొత్త ఫీచర్ ఫోన్‌ను మార్కెట్లోకి తీసుకురానున్నట్లు సమాచారం. గతంలో విడుదలైన నోకియా 2360 ఫ్లిప్ మోడల్‌ను పోలిన డిజైన్‌తో ఈ ఫోన్ రానున్నప్పటికీ, మెరుగైన 4G నెట్‌వర్క్ కనెక్టివిటీని అందించనుంది. ప్రధానంగా బడ్జెట్ వినియోగదారులను లక్ష్యంగా చేసుకుని రూపొందిస్తున్న ఈ ఫోన్‌లో ఫ్లిప్ డిజైన్‌తో పాటు రెండు స్క్రీన్లు ప్రత్యేక ఆకర్షణగా నిలవనున్నాయి.

ఈ ఫోన్‌లో 2.4 అంగుళాల ప్రధాన డిస్‌ప్లే, వెలుపల 1.77 అంగుళాల సెకండరీ స్క్రీన్ ఉండనున్నాయి. యూనిసోక్ T127 ప్రాసెసర్‌తో పనిచేసే ఇందులో 1,450mAh బ్యాటరీని అందించనున్నట్లు తెలుస్తోంది. ఛార్జింగ్ కోసం USB టైప్-C పోర్ట్, ఫొటోల కోసం 0.3MP కెమెరా, బ్లూటూత్ 5.0, వై-ఫై కనెక్టివిటీతో పాటు అత్యవసర సమయాల్లో ఉపయోగపడే SOS సపోర్ట్ కూడా ఉండనున్నాయి. సాధారణ ఫీచర్లతో పాటు ఆధునిక కనెక్టివిటీ కోరుకునే వినియోగదారులకు ఈ ఫోన్ ఉపయోగపడేలా రూపొందిస్తున్నట్లు సమాచారం. ఫోన్ విడుదల తేదీ, ధరకు సంబంధించిన పూర్తి వివరాలను కంపెనీ వెల్లడించాల్సి ఉంది.