మోటోరోలా యూజర్లకు గుడ్‌న్యూస్‌..

మోటోరోలా తన ప్రస్తుత, ఇటీవల విడుదలైన స్మార్ట్‌ఫోన్‌లలో 50కిపైగా మోడళ్లకు Android 17 అప్‌డేట్‌ను అందించేందుకు సిద్ధమవుతోంది. ఇప్పటికే Motorola Edge 2025కు స్టేబుల్‌ అప్‌డేట్‌ అందడం ప్రారంభమైంది. మిగిలిన అర్హత ఉన్న మోడళ్లకు రానున్న వారాలు, నెలల్లో దశలవారీగా అప్‌డేట్‌ అందనుంది. ఈ జాబితాలో Razr ఫోల్డబుల్‌ ఫోన్లు, Edge సిరీస్‌ మోడళ్లు, Moto G సిరీస్‌ డివైజ్‌లు, Motorola Signature ఉన్నాయి. కొత్తగా విడుదలైన మోడళ్లకు ముందుగా అప్‌డేట్‌ అందే అవకాశం ఉంది.

Android 17లో మల్టీటాస్కింగ్‌, విండో మేనేజ్‌మెంట్‌, పెద్ద స్క్రీన్‌లకు మెరుగైన సపోర్ట్‌ వంటి ఫీచర్లు ఉండనున్నాయి. ఇవి ముఖ్యంగా Motorola Razr ఫోల్డబుల్‌ ఫోన్లకు ఉపయోగకరంగా మారనున్నాయి. Android 17 అందుబాటులో ఉందో లేదో తెలుసుకోవడానికి Settings > System > System Updatesలో చెక్‌ చేసుకోవచ్చు. అప్‌డేట్‌ ఇన్‌స్టాల్‌ చేసే ముందు డేటాను బ్యాకప్‌ చేసుకోవాలని, వై-ఫైకి కనెక్ట్‌ కావాలని, ఫోన్‌కు తగినంత ఛార్జింగ్‌ ఉండేలా చూసుకోవాలని మోటోరోలా సూచిస్తోంది.