సీఐఐ సమ్మిట్‌లో లోకేశ్‌, రానా మధ్య ఆసక్తికర సంభాషణ

సీఐఐ సమ్మిట్‌ వేదికగా ఏపీ మంత్రి నారా లోకేశ్‌, సినీ నటుడు రానా దగ్గుబాటి మధ్య ఆసక్తికర సంభాషణ జరిగింది. ఆంధ్రప్రదేశ్‌కు సినీ పరిశ్రమను తీసుకొచ్చేందుకు ప్రభుత్వం ఎలాంటి ప్రయత్నాలు చేస్తోందని రానా ప్రశ్నించారు. దీనిపై స్పందించిన లోకేశ్‌.. విశాఖపట్నంలో సినీ పరిశ్రమ అభివృద్ధికి ప్రభుత్వం ప్రయత్నాలు చేస్తోందని తెలిపారు.

హైదరాబాద్‌ తరహాలో విశాఖపట్నంలోనూ సినిమా రంగానికి అవసరమైన ఎకో సిస్టమ్‌ను ఏర్పాటు చేయాల్సిన అవసరం ఉందని లోకేశ్‌ పేర్కొన్నారు. ఇందుకోసం సినీ పరిశ్రమకు చెందిన ప్రముఖులు ముందుకు రావాలని పిలుపునిచ్చారు. ప్రభుత్వంతో కలిసి పనిచేసేందుకు తాము సిద్ధంగా ఉన్నామని రానా వెల్లడించారు. ఈ సంభాషణ ఏపీలో సినీ పరిశ్రమ అభివృద్ధిపై ఆసక్తిని పెంచింది.