ఫిన్‌టెక్ రంగంలో పెద్ద దెబ్బ..

పేపాల్ సంస్థ వచ్చే రెండు నుంచి మూడు సంవత్సరాల్లో తన ప్రపంచవ్యాప్త ఉద్యోగుల్లో సుమారు 20 శాతం మందిని తొలగించేందుకు నిర్ణయం తీసుకుంది. కొత్త సీఈఓ ఎన్రిక్ లోరెస్ నేతృత్వంలో ఈ ఖర్చు తగ్గింపు చర్యలు చేపడుతున్నారు. సంస్థ ఆర్థిక స్థితిని మెరుగుపరచడమే దీని ప్రధాన లక్ష్యంగా ఉంది.

ప్రస్తుతం సుమారు 23,800 మంది ఉద్యోగులు ఉన్న పేపాల్‌లో ఈ నిర్ణయం వల్ల 4,500 మందికి పైగా ఉద్యోగాలు ప్రభావితం కావచ్చు. సుమారు 1.5 బిలియన్ డాలర్ల ఆదా లక్ష్యంగా సంస్థ ముందుకెళ్తోంది. ఫిన్‌టెక్ రంగంలో పెరుగుతున్న పోటీ, వృద్ధి తగ్గుదల కారణంగా ఈ నిర్ణయం తీసుకున్నట్లు తెలుస్తోంది. కోయిన్‌బేస్ వంటి ఇతర సంస్థలు కూడా ఉద్యోగ కోతలు ప్రకటించడం గమనార్హం.