ఫ్రెంచ్ ఓపెన్‌లో జ్వెరెవ్, అండ్రీవా శుభారంభం

ఫ్రెంచ్ ఓపెన్ టెన్నిస్ టోర్నీలో రెండో సీడ్ అలెగ్జాండర్ జ్వెరెవ్ అద్భుత విజయంతో రెండో రౌండ్‌కు చేరుకున్నాడు. పురుషుల సింగిల్స్ తొలి రౌండ్‌లో జర్మనీకి చెందిన జ్వెరెవ్ 6-3, 6-4, 6-2తో బెంజమెన్ బోం జీపై విజయం సాధించాడు. మరో మ్యాచ్‌లో 13వ సీడ్ కారెన్ కచనోవ్ 6-3, 7-6(3), 6-0తో ఆర్థర్ జియాను ఓడించి తదుపరి దశకు అర్హత సాధించాడు.

మహిళల సింగిల్స్‌లో రష్యాకు చెందిన మిర్రా అండ్రీవా 6-3, 6-3తో ఫియోనా ఫెర్రోపై గెలిచి శుభారంభం చేసింది. స్విట్జర్లాండ్‌కు చెందిన బెలిండా బెన్సిక్ 6-3, 6-2తో సింజా క్రీస్‌ను ఓడించింది. అమెరికా క్రీడాకారిణి హేలీ కూడా కఠిన పోరులో క్రెజికోవాపై 6-7(7), 7-6(6), 6-2తో విజయం సాధించింది.